ახალშობილის დღის რეჟიმი

აპრილი 09, 2017

ახალშობილი ბავშვის ყველაზე მთავარი ამოცანაა, შეეგუოს მისთვის ახალ გარემოს.

ახალდაბადებულ ბავშვს თავისი სიცოცხლის პირველ თვეს სძინავს დღეღამეში დაახლოებით 20 საათი და ძირითადად იღვიძებს ფიზიკური მოთხოვნილებების დასაკმაყოფილებლად. ბავშვი დღეღამეში საშუალოდ იკვებება 7-8-ჯერ.

ადრე, ექიმები ემხრობოდნენ მოსაზრებას, რომ აუცილებელი იყო ახალშობილის გამოკვება ყოველ 3 საათში, მაგრამ ეხლა ტენდენცია შეიცვალა და მიიჩნევა, რომ ბავშვის გამოკვება საჭიროა მისი მოთხოვნის შესაბამისად.

მიუხედავად ამისა, დედა მაინც უნდა ეცადოს რომ ბავშვისთვის საკვების მიცემას შორის ინტერვალი არ იყოს 2 საათზე მეტი.

გარდა ამისა, დღემდე საკამათოა თემა: უნდა მივცეთ თუ არა ახალშობილს წყალი. ექიმების ნაწილი თვლის, რომ დედის რძე ისედაც შეიცავს საკმარისი რაოდენობის წყალს და დამატებით წყლის მიცემა საჭირო არ არის. მედიკოსების მეორე ნაწილი კი მიიჩნევს, რომ ახალშობილისთვის წყლის მიცემა აუცილებელია.

თუ თქვენ მაინც მისცემთ წყალს პატარას, დაიმახსოვრეთ, რომ არავითარ შემთხვევაში წყლის დატკბობა, ან რაიმე სახის წვენის გარევა არ არის რეკომენდებული.

წლის თბილ პერიოდში, შესაძლებელია პატარას გასეირნება უკვე პირველივე დღეებიდან. სეირნობის ხანგრძლივობა უნდა შეადგენდეს 10-15 წუთს. წლის ცივ პერიოდში კი რეკომენდებულია სეირნობა დაიწყოთ ბავშვის სახლში მოყვანიდან 2 კვირის გასვლის შემდეგ. სეირნობის ხანგრძლივობა უნდა შეადგენდეს 5-10 წუთს.

დღის განმავლობაში მოუწყვეთ პატარას მცირეოდენი ჰაერის აბაზანები. მაგალითად, ვიდრე აცმევთ ჩვილს, ცოტახნით დატოვეთ იგი შიშველი. იწვეს ასე, იმოძრაოს. ამასთან ოთახში ჰაერის ტემპერატურა არ უნდა იყოს 22 გრადუსზე ნაკლები.

წყარო: http://www.aura.ge/124-deda-da-shvili/4453-bavshvis-ganvitarebis-pirveli-tve.html

ახალშობილის ზრდა

დაგვიკავშირდით

ქ. თბილისი,
ბარნოვის 82.

ელ. ფოსტა. contact@mzrunveli.ge

(+995) 322 23 67 65
დეტალურად
ბოლო სიახლეები